امریکا کا افغان عوام کیلئے نئے امدادی فنڈ کا اعلان

امریکا نے افغان عوام کی امداد کے لیے نئے فنڈ کا اعلان کر دیا۔

امریکی محکمۂ خارجہ کے مطابق افغان فنڈ میں 35 ارب ڈالر کی رقم مختص کی گئی ہے، یہ رقم طالبان کے نہیں بلکہ افغان عوام کے فائدے کے لیے ہے۔

محکمۂ خارجہ کا کہنا ہے کہ منصوبہ افغان بینک کے ذخائر اور افغان معیشت کو سنبھالنے میں مدد دے گا، افغان فنڈ کی قانون کے مطابق مانیٹرنگ کرتے رہیں گے۔

امریکا نے 3.5 بلین ڈالر افغان اثاثے سوئٹزر لینڈ میں قائم افغان فنڈ میں منتقل کرنے کا اعلان کیا ہے۔

امریکی محکمۂ خارجہ نے مزید کہا ہے کہ طالبان منصوبے کا حصہ نہیں ہیں، امریکا اب بھی افغانستان میں انسانی ہمدردی کی بنیاد پر امداد دینے والا سب سے بڑا ملک ہے۔

امریکی محکمۂ خارجہ نے یہ بھی کہا ہے کہ امریکی وزارتِ خارجہ، وزارتِ خزانہ اور دیگر عالمی شراکت داروں کے ذریعے مدد فراہم کی جا رہی ہے۔

بشکریہ جنگ