امریکا ڈرون طیاروں سے فضائی حدود کی خلاف ورزی کر رہا ہے: ذبیح اللّٰہ مجاہد

افغانستان کے نائب وزیرِ اطلاعات و ثقافت ذبیح اللّٰہ مجاہد کا کہنا ہے کہ امریکا ڈرون طیاروں سے افغان فضائی حدود کی خلاف ورزی کر رہا ہے۔

افغانستان کے دارالحکومت کابل سے جاری کیئے گئے ایک بیان میں افغان نائب وزیرِ اطلاعات و ثقافت ذبیح اللّٰہ مجاہد نے یہ بات کہی ہے۔

افغان وزارتِ مہاجرین نے بے گھر افراد کی مالی مدد کا اعلان کر دیا۔

انہوں نے کہا ہے کہ عالمی قوانین کے تحت ہر ملک اپنی سر زمین اور فضائی حدود کا خود مختار ہوتا ہے، اسی طرح اماراتِ اسلامیہ افغان سر زمین اور فضائی حدود کی واحد قانونی نگراں ہے۔

ذبیح اللّٰہ مجاہد نے مزید کہا کہ امریکا ڈرون حملوں سے تمام عالمی قوانین اور حقوق کی خلاف ورزی کر رہا ہے، امریکا دوحہ میں طالبان سے ہوئے معاہدے کی خلاف ورزی بھی کر رہا ہے۔

وفاقی وزیرِ اطلاعات و نشریات فواد چوہدری کا کہنا ہے کہ اس بار ہماری پالیسی ہے کہ افغان مہاجرین کو شہروں میں نہیں سرحدوں پر ہی رکھیں گے۔

افغانستان کے نائب وزیرِ اطلاعات و ثقافت کا یہ بھی کہنا ہے کہ تمام ممالک خصوصاً امریکا افغانستان سے اپنا رویہ عالمی قوانین کے تحت رکھیں اور باہمی اعتماد و احترام کا رویہ اپنائیں۔

بشکریہ جنگ