امریکا: بھالو نے مونگ پھلی چرانے کیلئے گاڑی کا ستیاناس کر دیا

امریکا میں ایک بھوکے بھالو نے گاڑی میں رکھی مونگ پھلی چرانے کے لیے گاڑی کا ستیاناس کر دیا۔

امریکی ریاست کولوراڈو میں شہری کو اپنی گاڑی میں کھانے پینے کی اشیاء چھوڑنا کافی مہنگا پڑ گیا کیونکہ بھالو نے اپنی بھوک مٹانے کے لیے کی جانے والی واردات کے دوران گاڑی کو اندر سے شدید نقصان پہنچایا۔

غیر ملکی میڈیا کے مطابق بھالو وہاں موجود ایک شخص کو دیکھ کر گاڑی سے نکل کر واپس جنگل میں بھاگ گیا۔

اس حوالے سے سوشل میڈیا پر ویڈیو بھی شیئر کی گئی ہے جس پر لوگ تبصرے بھی کر رہے ہیں۔

بشکریہ جنگ