امام الحق والدین کی دعاوٗں کے ساتھ ورلڈ کپ کیلئے روانہ

قومی کرکٹ ٹیم کے اوپننگ بیٹر امام الحق کا کہنا ہے کہ  میں اپنے سب سے بڑے اثاثے والدین کی دعاؤں کے ساتھ ورلڈ کپ کے لیے روانہ ہو رہا ہوں۔

آئی سی سی ورلڈ کپ کے لیے بھارت روانگی سے قبل امام الحق نے والدین کے ہمراہ اپنی تصویر سوشل میڈیا پر شیئر کی۔

امام الحق کا تصویر سے متعلق کہنا تھا کہ میں اپنے سب سے بڑے اثاثے والدین کی دعاؤں کے ساتھ ورلڈ کپ کے لیے روانہ ہو رہا ہوں۔

انہوں نے کہا کہ میرے والدین میرے لیے لکی چارم ہیں، ہمیں اپنی دعاؤں میں یاد رکھیں۔

 امام الحق کا مزید کہنا تھا کہ ہم نے پہلے بھی ورلڈ کپ جیتا اب پھر جیتیں گے انشاء اللّٰہ ۔

بشکریہ جنگ