الیکشن کمیشن کا پولنگ اسٹیشنز میں موبائل فون کے استعمال کا نوٹس
الیکشن کمیشن نے ضمنی انتخابات کے لیے ہونے والی پولنگ کے دوران چند پولنگ اسٹیشنز میں موبائل فون کے استعمال کا نوٹس لے لیا۔
ترجمان الیکشن کمیشن کے مطابق پولنگ اسٹیشنز میں موبائل فون استعمال کرنے والوں کے خلاف قانونی کارروائی کی جائے۔
ترجمان کا کہنا ہے کہ تمام آر او، ڈی آر او اور صوبائی الیکشن کمشنرز کو ہدایات جاری کر دی گئی ہیں، پولنگ اسٹیشنز میں ووٹرز کا موبائل لے جانا سختی سے منع ہے۔
ترجمان الیکشن کمیشن کا یہ بھی کہنا ہے کہ یہ سیکریسی آف بیلٹ پیپر کی خلاف ورزی ہے، جس پر موبائل ضبط اور ملزم حوالۂ پولیس کیا جائے گا۔
واضح رہے کہ سندھ، پنجاب اور خیبر پختون خوا کے قومی اسمبلی کے 8 اور پنجاب اسمبلی کے 3 حلقوں میں ضمنی انتخابات کے لیے پولنگ جاری ہے۔
صبح 8 بجے شروع ہونے والی پولنگ کسی وقفے کے بغیر شام 5 بجے تک جاری رہے گی۔
بشکریہ جنگ
Comments are closed.