اطہر متین قتل کیس کا ملزم خضدار سے گرفتار

کراچی میں قتل ہوئےصحافی اطہر متین کیس میں ایک ملزم کو بلوچستان کے علاقے خضدار سے گرفتار کر لیا گیا ہے۔

پارلیمانی سیکرٹری اطلاعات بلوچستان بشریٰ رند نے ملزم کی گرفتاری کی تصدیق کرتے ہوئے بتایا کہ صحافی اطہر متین کے قتل میں ملوث ملزم کو بلوچستان اور سندھ پولیس نے مشترکہ کارروائی کرتے ہوئے خضدار سے گرفتار کیا۔

بشریٰ رند کا کہنا ہے کہ ملزم کا تعلق خضدار سے ہے، گرفتار ملزم کو خضدار سے کراچی منتقل کر دیا گیا ہے۔

واضح رہے کہ چند روز قبل نجی ٹی وی چینل کے صحافی اطہر متین کو گولی مار کر قتل کر دیا گیا تھا۔

بشکریہ جنگ