بدھ14؍شوال المکرم 1442ھ26؍مئی 2021ء

اسپیکر اسد قیصر نے بلاول بھٹو کو چیلنج دیدیا

اسپیکر قومی اسمبلی اسد قیصر نے پاکستان پیپلز پارٹی کے چیئرمین بلاول بھٹو زرداری کو چیلنج دے دیا۔

ایک بیان میں اسپیکر اسد قیصر نے اعتماد کے ووٹ سے متعلق اجلاس پر پی پی چیئرمین کو چیلنج دیتے ہوئے کہا کہ بلاول بھٹو زرداری کو کہتا ہوں کہ وہ آئیں جو چاہیں تسلی کرلیں۔

انہوں نے مزید کہا کہ پوری دنیا اور میڈیا دیکھ رہا تھا، ایک بھی ایم این اے کا بتائیں جو کم تھا؟ بلاول بھٹو کسی ایک ایم این اے کا بتائیں جو غیر حاضر تھا۔

اسپیکر قومی اسمبلی نے یہ بھی کہا کہ میں کبھی ایسا کام نہیں کرتا، جس سے تاریخ خراب ہو، کسی صورت قانون و آئین کے خلاف کام نہیں کروں گا۔

اُن کا کہنا تھا کہ صادق سنجرانی نے بطور چیئرمین سینیٹ ایوان بالا کو مثالی انداز میں چلایا اور اپوزیشن کو برابر کا موقع دیا۔

اسد قیصر نے کہا کہ چیئرمین سینیٹ کے اپوزیشن اور حکومتی ارکان ایوان بالا سے اچھے تعلقات ہیں، امید ہے سب کی چوائس صادق سنجرانی ہوں گے۔

اسپیکر اسد قیصر کے چیلنج سے قبل قومی اسمبلی سیکریٹریٹ نے 6 مارچ کے اجلاس کی حاضری کے حوالے سے اعداد و شمار پر مبنی رپورٹ جاری کی تھی۔

بشکریہ جنگ
You might also like

Comments are closed.