اسٹاک ایکسچینج: کاروبار کا منفی دن، انڈیکس میں 707 پوائنٹس کی بڑی کمی

پاکستان اسٹاک ایکسچینج (پی ایس ایکس) میں کاروبار کا منفی دن رہا، 100 انڈیکس میں 707 پوائنٹس کی بڑی کمی دیکھنے میں آئی۔ 

پی ایس ایکس بینچ مارک 100 انڈیکس اس کمی کے بعد 41 ہزار 367 پوائنٹس پر بند ہوا ہے۔ 

کاروباری دن میں انڈیکس 800 پوائنٹس کے بینڈ میں رہا جبکہ اس کی کم ترین سطح 41 ہزار 274 بھی رہی تھی۔ 

حصص بازار میں 15 کروڑ شیئرز کے سودے 4 ارب 35 کروڑ روپے میں طے ہوئے۔

اسی طرح مارکیٹ کیپٹلائزیشن 98 ارب روپے کم ہو کر 6 ہزار 945 ارب روپے ہے۔

بشکریہ جنگ