اسلام آباد: کورونا کیسز کی شرح 4 فیصد سے زائد ہو گئی

وفاقی دارالحکومت اسلام آباد میں کورونا وائرس کے کیسز میں مسلسل اضافہ ہو رہا ہے۔

ڈی ایچ او اسلام آباد کے مطابق اسلام آباد میں کورونا وائرس کے مثبت کیسزکی شرح 4 اعشاریہ 10 فیصد تک پہنچ گئی ہے۔

انہوں نے مزید بتایا کہ شہرِ اقتدار میں گزشتہ 24 گھنٹوں کے دوران کورونا وائرس کے 1 ہزار 98 ٹیسٹ کیے گئے۔

پاکستان میں کورونا وائر س کے کیسز پھر بڑھنے لگے، گزشتہ 24 گھنٹوں کے دوران کورونا کیسز کی شرح 1 اعشاریہ 30 فی صد ریکارڈ کی گئی۔

ڈی ایچ او اسلام آباد کا یہ بھی کہنا ہے کہ اسلام آباد میں گزشتہ 24 گھنٹوں کے دوران 45 افراد میں کورونا وائرس کی تشخیص ہوئی ہے۔

اسلام آباد میں 1 لاکھ 35 ہزار 745 کورونا وائرس سے متاثرہ مریض اب تک سامنے آئے ہیں۔

وفاقی دارالحکومت میں اب تک کُل 1 ہزار 24 افراد اس وباء سے جان کی بازی ہار چکے ہیں۔

بشکریہ جنگ