اسلام آباد میں عوامی اجتماع یا ریلی کی صورت میں کارکنان کو گرفتار کرنے کا حکم
پاکستان تحریک انصاف (پی ٹی آئی) کی ریلی کے پیش نظر اسلام آباد پولیس نے تیاریاں کرلیں۔
پولیس اور ایف سی کی نفری زیرو پوائنٹ پل پر تعینات کردی گئی، تحریک انصاف کے کارکنان تاحال زیرو پوائنٹ نہیں پہنچے۔
پولیس نے کارکنان کی گرفتاری کےلیے خصوصی ٹیمیں تشکیل دے دیں۔
اسلام آباد پولیس کا کہنا ہے کہ دارالحکومت میں عوامی اجتماع یا ریلی کی صورت میں کارکنان کو گرفتار کرنے کا حکم دے دیا گیا ہے۔
پولیس کے مطابق تمام ایس ایچ اوز کو اپنے اپنے علاقے میں گشت کرنے کے احکامات دیے گئے ہیں، جبکہ اہلکاروں کو کارکنان کی گرفتاری کے لیے خصوصی ٹاسک دے دیا گیا۔
ذرائع اسلام آباد پولیس کے مطابق پولیس اہلکاروں کو سادہ کپڑوں میں تعینات کرنے کا فیصلہ کیا گیا ہے۔
پولیس حکام کا کہنا ہے کہ شہر میں دفعہ 144 نافذ ہے، عوامی اجتماع یا ریلی کی اجازت نہیں۔
بشکریہ جنگ
Comments are closed.