اسلام آباد،SOPs کی خلاف ورزی پر 16 افراد گرفتار

اسلام آباد میں کورونا ایس او پیز کی خلاف ورزی پر 16 افراد کو گرفتار کر لیا گیا جبکہ 4ہوٹل اور 9 دکانیں سیل کردی گئیں۔

وفاقی دارالحکومت اسلام آباد میں کورونا ایس او پیز کی خلاف ورزی پر ضلعی انتظامیہ کی کارروائیاں جاری ہیں،ڈی سی اسلام آباد کے مطابق انفرادی طور پر 20 ہزار جرمانہ کیا گیا جبکہ 16 افراد کو گرفتار کیا گیا۔

اسلام آباد میں کورونا ایس او پیزکی خلاف ورزی پر 4ہوٹل اور 9دکانیں سیل کی گئی جن پر1 لاکھ 37 ہزار روپے کا جرمانہ کیا گیا۔

کورونا ایس او پیز کی خلاف ورزی پر اسلام آباد میں 9 شادی ہالز اور 142ریسٹورنٹ کی چیکنگ کی گئی جن میں سے 4 ریسٹورنٹ سیل کردیے گئے جبکہ 27 ہزار روپے کا جرمانہ عائد کیا گیا۔

وفاقی دارالحکومت اسلام آباد کے 7 سیکٹرز میں 10 دن کے لیے اسمارٹ لاک ڈاون نافذ کردیا گیا۔

ڈسی اسلام آباد کے مطابق  زائد قیمتیں وصول کرنے پر27 دکانیں سیل کی گئیں جن کی ایف آئی آر بھی درج کی گئیں جبکہ 7 افراد کو زائد قیمتیں وصول کرنے پر گرفتار کیا گیا۔

بشکریہ جنگ