آئرلینڈ اور سری لنکا کی ٹیسٹ سیریز میں ردوبدل

آئرلینڈ اور سری لنکا کے درمیان ہونے والی ٹیسٹ سیریز میں ردو بدل کر دیا گیا۔

اس حوالے سے سری لنکا کرکٹ نے کہا ہے کہ آئرلینڈ کرکٹ ٹیم اپریل میں سری لنکا میں دو ٹیسٹ میچز کی سیریز کھیلے گی۔

سری لنکا کرکٹ کا کہنا ہے کہ دونوں ٹیسٹ میچز گال میں کھیلے جائیں گے۔

آئرلینڈ کرکٹ ٹیم 9 اپریل کو سری لنکا پہنچے گی، پہلا ٹیسٹ 16 اپریل اور دوسرا ٹیسٹ 24 اپریل سے شروع ہو گا۔

اس سے قبل دورے میں ایک ٹیسٹ اور دو ون ڈے میچز شامل تھے۔

ذرائع کے مطابق دونوں ممالک کے بورڈز نے دو ٹیسٹ میچز کھیلنے پر رضا مندی ظاہر کی۔

بشکریہ جنگ