جمعرات یکم شوال المکرم 1442ھ13؍مئی 2021ء

کراچی: نشے کی حالت میں اسسٹنٹ کمشنر اور ملازم گرفتار

کراچی کے علاقے صدر میں ریگل چوک پر نشے کی حالت میں پولیس اہلکاروں سے بدتمیزی کرنے والے اسسٹنٹ کمشنر اور اس کے ملازم کو گرفتار کر لیا گیا۔

مذکورہ اسسٹنٹ کمشنر کو پرائیویٹ کار پر جعلی نمبر پلیٹ لگانے کی دفعہ کے تحت مقدمہ درج کر کے گرفتار کیا گیا ہے۔

پولیس کے مطابق صدر میں ریگل چوک کے قریب چیکنگ پر مامور پولیس اہلکاروں نے سرکاری نمبر پلیٹ کی ایک مشکوک کار کو روکا تو گاڑی میں بیٹھے ہوئے 2 افراد نے پولیس کے ساتھ بدتمیزی کی، دونوں افراد نشے کی حالت میں تھے۔

دونوں کو حراست میں لے کر پریڈی تھانے منتقل کیا گیا جہاں پر ایک کی شناخت احسن انیس اسسٹنٹ کمشنر بورڈ آف ریوینیو اور ملازم ساحل کے نام سے ہوئی۔

دونوں ملزمان کو ٹیسٹ کرانے کے لیے سول اسپتال لے جایا گیا جہاں پر ٹیسٹ کے لیے ان کے سیمپل لیے گئے۔

ملزمان کے قبضے سے ملنے والی گاڑی پرائیویٹ ہے جس پر جعلی سرکاری نمبر پلیٹ لگائی گئی تھی جس کا مقدمہ احسن انیس کے خلاف سرکاری مدعیت میں پریڈی تھانے میں درج کر لیا گیا ہے۔

بشکریہ جنگ
You might also like

Comments are closed.