چیئرمین سینیٹ الیکشن دھاندلی کی نئی مثال ہے، احسن اقبال

اپوزیشن جماعت مسلم لیگ (ن) کے سینئر رہنما احسن اقبال نے چیئرمین سینیٹ کے انتخابی نتائج کو دھاندلی کی نئی مثال قرار دیدیا ہے۔

ایک بیان میں احسن اقبال نے چیئرمین سینیٹ انتخاب میں صادق سنجرانی کے فتح پر تبصرہ کرتے ہوئے کہا کہ یوسف رضا گیلانی کو نئی طرز کی دھاندلی سے ہرایا گیا۔

انہوں نے کہا کہ یوسف رضا گیلانی کو 42 جمع 7 مسترد ووٹ ملاکر 49 ووٹ ملے ہیں، لیکن انہیں ہارا ہوا قرار دیا گیا ہے۔

ن لیگی رہنما نے مزید کہا کہ ان کے مقابلے میں صادق سنجرانی کو 48 ووٹ ملے، یوں 49 ووٹ کے مقابلے میں 48 ووٹ لینے والے امیدوار کو جتوادیا گیا۔

بشکریہ جنگ