بدھ14؍شوال المکرم 1442ھ26؍مئی 2021ء

پاک بھارت جنگ بندی مثبت پیشرفت ہے: اقوامِ متحدہ

اقوامِ متحدہ کے سیکریٹری جنرل انتونیو گویٹریس نے پاک بھارت جنگ بندی کو مثبت پیش رفت قرار دیا ہے۔

اقوامِ متحدہ کے ترجمان کے مطابق سیکریٹری جنرل انتونیو گویٹریس نے امید ظاہر کی ہے کہ لائن آف کنٹرول پر جنگ بندی پاکستان اور بھارت کے درمیان مزید بات چیت کی راہ ہموار کرے گی۔

امریکا نے پاکستان اور بھارت کے درمیان لائن آف کنٹرول (ایل او سی) پر جنگ بندی سے متعلق مشترکہ اعلامیے کا خیر مقدم کیا ہے۔

انہوں نے مزید کہا ہے کہ پاک بھارت مشترکہ اعلامیے سے سیکریٹری جنرل یو این کی حوصلہ افزائی ہوئی ہے۔

صدر جنرل اسمبلی اقوامِ متحدہ نے پاک بھارت مشترکہ اعلامیہ دوسروں کے لیے مثال قرار دیا ہے۔

واضح رہے کہ گزشتہ روز پاکستان اور بھارت کے ڈائریکٹر جنرلز آف ملٹری آپریشنز (ڈی جی ایم اوز) کے درمیان ہاٹ لائن پر رابطہ ہوا ہے جس میں کنٹرول لائن پر جنگ بندی معاہدے پر سختی سے عمل درآمد کرنے پر اتفاق کیا گیا۔

اس اتفاقِ رائے کے بعد کنٹرول لائن پر جنگ بندی معاہدے پر عمل درآمد شروع ہو گیا ہے۔

بشکریہ جنگ
You might also like

Comments are closed.