پیر23؍ رجب المرجب 1442ھ 8؍مارچ2021ء

ولی عہد نے مریخ مشن کو امارات کی تاریخی کامیابی قرار دیدیا

ابوظہبی کے ولی عہد اور اماراتی افواج کے نائب کمانڈر شیخ محمد بن زاید النہیان نے مریخ مشن کی کامیابی کو امارات کی تاریخی کامیابی قرار دے دیا، ماہرین اور قوم کو مبارکباد بھی دی۔

شیخ محمد بن زاید النیہان کا کہنا تھا کہ ہوپ پروب کا مریخ کے مدار میں داخل ہونا ہماری قوم کی تاریخ کا ایک اہم کارنامہ ہے۔

انہوں نے کہا کہ اماراتی ماہرین کی یہ کامیابی مستقبل کے سائنسدانوں اور انجینئرز کے لیے مشعل راہ ہوگی، ہمیں اپنے ان ماہرین پر بے حد فخر ہے۔

واضح رہے کہ متحدہ عرب امارات کا خلائی مشن ’’ہوپ پروب‘‘ گزشتہ روز مریخ کے مدار میں داخل ہوا تھا جس کے بعد متحدہ عرب امارات مریخ پر پہنچنے والا پانچواں اور پہلا عرب ملک بن گیا ہے۔

بشکریہ جنگ
You might also like

Comments are closed.