اتوار22؍ رجب المرجب 1442ھ 7؍مارچ2021ء

وزیراعظم عمران خان سے خرم لغاری کی ملاقات، پارٹی چھوڑنے کا فیصلہ واپس

وزیراعظم عمران خان سے تحریک انصاف کے ناراض رکن پنجاب اسمبلی خرم لغاری نے ملاقات کی ہے۔

ذرائع کے مطابق اسلام آباد میں وزیراعظم سے ملاقات کے دوران خرم لغاری نے انہیں اپنے تحفظات سے آگاہ کیا۔ 

ذرائع کے مطابق عمران خان نے خرم لغاری کو اُن کے حلقے کے مسائل کے حل کی یقین دہانی کرائی جس کے بعد پی ٹی آئی کے ناراض رکن اسمبلی نے پارٹی چھوڑنے کا فیصلہ واپس لے لیا۔

ذرائع کے مطابق وزیراعطم سے ملاقات میں اپنے تحفظات دور کیے جانے کی یقین دہانی کے بعد وہ سینیٹ الیکشن کے لیے پی ٹی آئی امیدوار کو ہی ووٹ دیں گے۔

ذرائع کے مطابق پی ٹی آئی کے ناراض رکن پنجاب اسمبلی کو منانے کےلیے وفاقی وزیر فواد چوہدری نے اہم کردار ادا کیا ہے۔

چند روز قبل خرم لغاری نے پارٹی چھوڑنے کا اعلان کیا تھا۔

بشکریہ جنگ
You might also like

Comments are closed.