جمعرات یکم شوال المکرم 1442ھ13؍مئی 2021ء

صدرِ عارف علوی مظفر آباد پہنچ گئے

یومِ یک جہتیٔ کشمیر کے سلسلے میں صدرِ پاکستان ڈاکٹر عارف علوی آزاد کشمیر کے دارالحکومت مظفر آباد پہنچ گئے جہاں وہ آزاد کشمیر قانون ساز اسمبلی کے اجلاس سے خصوصی خطاب کریں گے۔

ادھر وزیرِ اعظم عمران خان آزاد کشمیر کے شہر کوٹلی جائیں گے جہاں وہ یومِ یک جہتیٔ کشمیر کے سلسلے میں منعقدہ بڑے جلسے سے خطاب کریں گے۔

دوسری جانب اپوزیشن اتحاد پاکستان ڈیموکریٹک موومنٹ (پی ڈی ایم) کا یکجہتیٔ کشمیر جلسہ بھی آج مظفر آباد میں ہو گا۔

جلسے سے مسلم لیگ نون کی نائب صدر مریم نواز، چیئرمین پاکستان پیپلز پارٹی بلاول بھٹو زرداری، پی ڈی ایم اور جے یو آئی ف کے سربراہ مولانا فضل الرحمٰن خطاب کریں گے۔

وزیرِ اعظم آزاد کشمیر راجہ فاروق حیدر اور دیگر قائدین بھی اس جلسے سے خطاب کریں گے۔

یوم یک جہتیٔ کشمیر کے حوالے سے کوہالہ پل پر منعقدہ تقریب میں مریم نواز اور بلاول بھٹو زرداری کی شرکت بھی متوقع ہے۔

پاکستان اور آزاد کشمیر کو ملانے والے داخلی راستوں پر بھی یوم یک جہتیٔ کشمیر کی مناسبت سے انسانی ہاتھوں کی زنجیریں بنائی جائیں گی، کوہالہ پل پر سب سے بڑی انسانی ہاتھوں کی زنجیر بنائی جائے گی۔

دوسری جانب آزادی چوک میں مقبوضہ کشمیر اور آزاد کشمیر کے عوام نے ہاتھوں میں ہاتھ ڈال کر اظہارِ یکجہتی بھی کیا ہے۔

بشکریہ جنگ
You might also like

Comments are closed.