جمعرات10؍ شعبان المعظم 1442ھ25؍مارچ 2021ء

شاہد خاقان کا استحقاق کمیٹی سے متعلق سوال

سابق وزیر اعظم شاہد خاقان عباسی نے سوال کیا ہے کہ رکن اسمبلی کا گھر گرانے کا معاملہ استحقاق کمیٹی نہیں دیکھ سکتی تو کیا دیکھ سکتی ہے؟

قومی اسمبلی کے باہر احسن اقبال اور مریم اورنگزیب کے ہمراہ پریس کانفرنس سے خطاب میں شاہد خاقان عباسی نے کھوکھر پیلس گرانے کو حکومت کا اوچھا ہتھکنڈا قرار دیا۔

انہوں نے کہا کہ حکومت ارکان پارلیمنٹ کو دبانا چاہتی ہے، ایک رکن اسمبلی کا گھر حکومت نے گرادیا۔

سابق وزیراعظم نے مزید کہا کہ ڈسکہ سے ن لیگ کے نمائندے کے بیٹے کو منشیات کے الزام میں گرفتار کرلیا گیا۔

اُن کا کہنا تھاکہ ٹرانسپرنسی کی رپورٹ حکومت کی کرپشن کا منہ بولتا ثبوت ہے، وزیر اعظم رپورٹ پڑھتے نہیں ہیں، اسٹاف نے بتایا یہ سابقہ حکومت کا ڈیٹا ہے۔

بشکریہ جنگ
You might also like

Comments are closed.