سوا سال میں پی آئی اے طیاروں سے پرندے ٹکرانے کے 69 واقعات

پاکستان سمیت مختلف ایئرپورٹس پر قومی ایئرلائن پی آئی اے کے طیاروں سے پرندے ٹکرانے کے واقعات میں مسلسل اضافہ ہورہا ہے۔ اس سلسلے میں تیار کی گئی ایک سرکاری رپورٹ کے مطابق کراچی اور لاہور ایئرپورٹس پر جہازوں سے پرندے ٹکرانے کے واقعات زیادہ رپورٹ ہوئے ہیں۔

رواں سال کے 3 ماہ کے دوران پی آئی اے کے 7 طیاروں سے پرندے ٹکرانے کے واقعات پیش آچکے ہیں۔

رواں سال سب سے زیادہ کراچی ایئرپورٹ پر پرندے ٹکرانے کے واقعات رپورٹ ہوئے جبکہ اسلام آباد میں 2، پشاور میں1، ملتان ایئرپورٹ پر 1 واقعہ رپورٹ ہوا۔

دستاویز کے مطابق 2020 سے اب تک پی آئی اے کے طیاروں سے پرندے ٹکرانے کے 69 واقعات رپورٹ ہوئے۔

گذشتہ برس پی آئی اے کے طیاروں سے پرندے ٹکرانے کے واقعات لاہور میں 19، اسلام آباد میں 16 اور کراچی ایئرپورٹ پر 11 واقعات پیش آئے۔

دستاویز کے مطابق ان واقعات میں پی آئی اے کے طیاروں کو معمولی نقصان پہنچا جبکہ 56 طیارے محفوظ رہے۔

گذشتہ برس بیرون ملک میں بھی پی آئی اے کے طیاروں سے پرندے ٹکرانے کے 3 واقعات پیش آئے، جن میں دو واقعات دبئی جبکہ ایک ملائیشیاء کے کوالالمپور ایئرپورٹ پر پیش آیا تھا۔

پرندے ٹکرانے سے پی آئی اے کے بوئنگ777 اور ایئر بس 320 طیارے متاثر ہوئے۔

بشکریہ جنگ