سندھ ہائیکورٹ کا ایک ہفتے میں نجی پاور کمپنیز کی گیس بحال کرنے کا حکم

سندھ ہائی کورٹ نے ایک ہفتے میں نجی پاور کمپنیز کی گیس بحال کرنے کا حکم دے دیا۔

سندھ ہائیکورٹ میں 69 پاور جنریشن کمپنیز کی جانب سے گیس کنکشن کی بحالی اور پرانےنرخ پر فراہمی سے متعلق درخواست پر کیس کی سماعت ہوئی۔

عدالت نے حکم دیا کہ جب تک درخواستوں کا فیصلہ نہیں ہوتا اکتوبر 2020 کے ریٹ پر کمپنیز گیس کے بل ادا کریں، سوئی سدرن گیس کمپنی نجی پاور جنریشن کو پرانے نرخ پر نئے بل جاری کریں۔

 عدالت نے حتمی فیصلے تک اضافی بل ناظر ہائی کورٹ کے پاس جمع کرانے کا حکم دیتے ہوئے آئندہ سماعت پر گیس کی قیمت میں اضافے پر فریقین سے قانونی دلائل طلب کرلیے۔

درخواستوں کی مزید سماعت 6 مئی تک ملتوی کردی۔

بشکریہ جنگ