بدھ9؍شعبان المعظم 1442ھ24؍مارچ 2021ء

سرینگر: بھارتی فوج نے جعلی کارروائی میں 7 کشمیریوں کو گرفتار کرلیا

بھارت فوج نے مقبوضہ کشمیر میں جعلی سرچ آپریشن کرتے ہوئے سات کشمیری نوجوانوں کو گرفتار کرلیا۔

کشمیر میڈیا سروس کے مطابق بھارتی فوج نے مقبوضہ کشمیر کے مختلف اضلع میں جعلی سرچ آپریشن اور گھروں پر ریڈ کر کے بےگناہ نوجوانوں کو گرفتار کر کے پولیس اسٹیشن کے تحقیقاتی سیل منتقل کردیا۔

گرفتار نوجوانوں میں عمران، عرفان، بلال، توفیق، مزمل، عادل اور جنید شامل ہیں۔ نوجوانوں کے اہل خانہ نے میڈیا کو بتایا کہ بھارتی فوجیوں نے جعلی کارروائی کرتے ہوئے نوجوانوں کو گرفتار کیا۔ ان پر جھوٹے الزامات عائد کیے گئے۔

سماجی رہنماؤں نے مطالبہ کرتے ہوئے کہا کہ عالمی برادری کو بھارتی کی جعلی کارروائیوں کا نوٹس لینا چاہیے۔ بھارتی فوج کشمیریوں کی آزادی کے جذبات کو کمزور کرنے میں مصروف ہے۔

The post سرینگر: بھارتی فوج نے جعلی کارروائی میں 7 کشمیریوں کو گرفتار کرلیا appeared first on Urdu News – Today News – Daily Jasarat News.

بشکریہ جسارت
You might also like

Comments are closed.