وزیراعلیٰ پنجاب عثمان بزدار نے کہا ہے کہ سابق حکمرانوں نے صرف نمائشی منصوبے شروع کئے، شوبازی والے منصوبے”سفید ہاتھی“ بن کر خزانے پر بوجھ بنے۔
وزیراعلیٰ عثمان بزدار سے صوبائی وزراء اور اراکین صوبائی اسمبلی نے ملاقاتیں کیں، اراکین اسمبلی نے حلقوں میں جاری ترقیاتی اسکیموں پر پیشرفت سے آگاہ کیا۔
اس موقع پر عثمان بزدار نے کہا کہ ہر ضلع کا علیحدہ ڈویلپمنٹ پیکیج کررہے ہیں، منتخب نمائندوں کے حلقوں میں ترجیحی بنیادوں پر ترقیاتی کام ہوں گے۔
عثمان بزدار نے سابق حکومتوں کو آڑے ہاتھوں لیتے ہوئے کہا کہ عوام کے خون پسینے کی کمائی کو بے دریغ ذاتی پسند و ناپسند پر ضائع کیا گیا، سابق حکمرانوں نے عوام کو بنیادی سہولتیں فراہم کرنے پرکوئی توجہ نہ دی۔
اُنہوں نے مزید کہا کہ تحریک انصاف کی حکومت یکساں ترقی پر عمل پیرا ہے، نظر انداز علاقوں میں پہلی بار ترقیاتی کام ہورہے ہیں۔
Comments are closed.