جمعرات19؍ رجب المرجب 1442ھ4؍مارچ 2021ء

حیدرآباد: تلاشی کیلئے رکے ملزمان نے پولیس کو لوٹ لیا

حیدرآباد میں رات گئے نامعلوم مسلح افراد نے پبن پولیس چیک پوسٹ پر ڈیوٹی دینے والے 2 اہلکاروں کو تشدد کا نشانہ بنایا اور ان سے سرکاری اسلحہ چھین کر فرار ہو گئے۔

پنجاب کے درالخلافہ لاہور کے علاقے غازی آباد میں سی آئی اے پولیس کی حراست میں ایک ملزم نے پولیس اہل کار سے پستول چھین کر فائرنگ کر دی۔

پولیس حکام کے مطابق یہ واقعہ حیدر آباد کے علاقے ہوسٹری میں پیش آیا جہاں گاڑی میں سوار افراد کو مشکوک جان کر پولیس اہلکاروں نے تلاشی لینے کی کوشش کی۔

کار میں موجود 4 نامعلوم ملزمان نے 2 پولیس اہلکاروں کو تشدد کا نشانہ بنا کر زخمی کر دیا اور جاتے ہوئے 2 سرکاری رائفلیں، موبائل فون اور نقدی چھین کر فرار ہوگئے۔

واقعے کے بعد پولیس کی بھاری نفری جائے وقوع پر پہنچ گئی، ملزمان کی گرفتاری کے لیے علاقے کا سرچ آپریشن کیا جا رہا ہے۔

بشکریہ جنگ
You might also like

Comments are closed.