جمعرات19؍ رجب المرجب 1442ھ4؍مارچ 2021ء

حلیم عادل شیخ کو عدالت لانے والی بکتر بند کا ٹائر پنکچر

سندھ اسمبلی میں قائدِ حزبِ اختلاف اور پاکستان تحریکِ انصاف (پی ٹی آئی) کے رہنما حلیم عادل شیخ کو عدالت لانے والی بکتر بند گاڑی کا ٹائر پنکچر ہو گیا۔

سندھ اسمبلی میں قائدِ حزبِ اختلاف اور پاکستان تحریکِ انصاف (پی ٹی آئی) کے رہنما حلیم عادل شیخ کو ایک اور کیس کے سلسلے میں ملیر کی عدالت پہنچا دیا گیا۔

کراچی کی انسدادِ دہشت گردی کی عدالت نے اقدامِ قتل کے کیس میں گرفتار اپوزیشن لیڈر سندھ اسمبلی حلیم عادل شیخ کو عدالتی ریمانڈ پر جیل بھیج دیا۔

اس سے قبل حلیم عادل شیخ کو ملیر کورٹ لانے والی بکتر بند کا ٹائر پنکچر ہوگیا تھا جس کی وجہ سے بکتر بند ایئر پورٹ فلائی اوور پر کچھ دیر کے لیے روک دی گئی اور اس کا ٹائر تبدیل کیا گیا۔

اس سے پہلے حلیم عادل شیخ اور دیگر ملزمان کو آج 2 روزہ جسمانی ریمانڈ مکمل ہونے پر کراچی کی انسدادِ دہشت گردی کی عدالت میں پیش کیا گیا تھا۔

عدالت نے اقدامِ قتل کے کیس میں گرفتار اپوزیشن لیڈر سندھ اسمبلی حلیم عادل شیخ کو عدالتی ریمانڈ پر جیل بھیجنے کا حکم دیا تھا۔

بشکریہ جنگ
You might also like

Comments are closed.