جہانگیر ترین گروپ سے ہمارا تعلق نہیں ہے: حمزہ شہباز

مسلم لیگ نون کے رہنما اور پنجاب اسمبلی میں قائدِ حزبِ اختلاف حمزہ شہباز شریف کا کہنا ہے کہ جہانگیر ترین گروپ سے ہمارا کوئی تعلق نہیں ہے۔

میڈیا سے گفتگو کرتے ہوئے مسلم لیگ نون کے رہنما اور پنجاب اسمبلی میں قائدِ حزبِ اختلاف حمزہ شہباز شریف نے کہا ہے کہ ہمیں قومی مسائل پر یک زبان ہو کر بولنا چاہیئے۔

شہباز شریف نے کہا کہ عمران خان آج بھی ان کی اور نوازشریف کےخلاف فائلیں ہی دیکھ رہے ہوں گے۔

انہوں نے کہا کہ ہم نے 3 سال انتقام کو برداشت کیا اور ذمے دار اپوزیشن کا کردار ادا کیا، مسائل کا حل آزاد اور منصفانہ الیکشن میں ہے۔

حمزہ شہباز کا کہنا ہے کہ پنجاب اسمبلی میں فلسطین کے ایک نکاتی ایجنڈے پر بات کی، اسرائیلی بمباری سے معصوم فلسطینی بچوں سمیت سیکڑوں افراد شہید ہوئے۔

انہوں نے کہا کہ اسرائیل کی جانب سے رمضان کے مقدس مہینے میں مسجدِ اقصیٰ پر دھاوا بولا گیا، فلسطینی ماؤں نے عید پر نئے کپڑوں کے بجائے بچوں کیلئے کفن خریدے۔

مسلم لیگ نون کے رہنما حمزہ شہباز نے کاکہنا ہے کہ دنیا کشمیر اور افغانستان میں ظلم پر بات نہیں کرتی، کشمیریوں کی طرح فلسطینی بھی آزادی کی جنگ لڑرہے ہیں۔

پنجاب اسمبلی میں اپوزیشن لیڈر کا مزید کہنا ہے کہ فلسطین کی طرح مقبوضہ کشمیر میں بھارت نے بربریت کا بازار گرم کر رکھا ہے۔

انہوں نے یہ بھی کہا کہ اس معاملے پر جوائنٹ ایکشن فورس بنانے کیلئے ترک صدر طیب اردوان کی تجویز سے اتفاق کرتا ہوں۔

بشکریہ جنگ