جو بائیڈن جون میں برسلز کا دورہ کریں گے

امریکا کے صدر جو بائیڈن جون میں یورپین دارالحکومت برسلز کا دورہ کریں گے جہاں وہ مختلف سربراہی کانفرنسز میں شرکت کریں گے۔ 

سفارتی ذرائع کے مطابق صدر جو بائیڈن 14 جون کو نیٹو ہیڈ کوارٹرز میں منعقد ہونے والی نیٹو کی سربراہی سمٹ میں شریک ہونگے، جبکہ اس سے اگلے روز وہ یورپ اور امریکہ کے درمیان ہونے والی سمٹ میں شرکت کریں گے۔

اس سمٹ میں یورپ کی نمائندگی یورپین کونسل کے صدر چارلس مشل اور یورپین کمیشن کی صدر ارسلا واندرلین کریں گی۔

برسلز آنے سے قبل امریکی صدر برطانیہ میں منعقد ہونے والی G7 سمٹ میں بھی شریک ہونگے۔

بشکریہ جنگ