ترکی میں دو ہفتے کی کورونا پابندیاں لگا دی گئیں

ترکی میں رمضان المبارک میں کورونا کے پھیلاؤ کو روکنے کے لیے دو ہفتے کی پابندیاں لگا دی گئیں۔ 

غیر ملکی میڈیا کے مطابق ہوٹلوں سے صرف ٹیک اوے کی اجازت ہوگی جبکہ بیکریز کے اوقات کار بھی کم کر دیئے گئے۔

ترکی میں رات کے کرفیو کے وقت میں اضافہ کرتے ہوئے 9 بجے کے بجائے 7 بجے سے صبح 5 بجے تک کردیا گیا ہے۔

انٹرسٹی سفر اور پبلک ٹرانسپورٹ کو بھی محدود کردیا گیا جبکہ بند جگہوں پر تمام تقریبات پر پابندی عائد کردی گئی ہے۔

ادھر بیلجیم اور سوئٹزرلینڈ میں 19 اپریل سے کورونا پابندیوں میں نرمی کا فیصلہ کیا گیا ہے۔

بشکریہ جنگ