بینک، موبائل کمپنیاں، پوسٹ آفس ضروری خدمات قرار

نیشنل کمانڈ اینڈ آپریشن سینٹر (این سی او سی) نے بینکوں، کال سینٹرز، سیل فون کمپنیوں، پوسٹ آفسز کو ضروری خدمات قرار دے دیا۔

وزراتِ نیشنل ہیلتھ سروسز کا کہنا ہے کہ پاکستان میں کورونا وائرس کی مزید 2 نئی اقسام سامنے آ گئیں، یہ 2 نئی اقسام افریقی اور برازیلی کورونا وائرس کی رپورٹ ہوئی ہیں۔

نیشنل کمانڈ اینڈ آپریشن سینٹر (این سی او سی) کے مطابق بینکوں، پوسٹ آفسز کو 50 فیصد ورک فرام ہوم پالیسی سے استثنیٰ دینے کا فیصلہ کیا گیا ہے۔

این سی او سی نے اپنے فیصلے میں کال سینٹرز اور سیل فون کمپنیوں کو 50 فیصد ورک فرام ہوم پالیسی کے علاوہ دفتری اوقات کار سے بھی مستثنیٰ قرار دیا ہے۔

نیشنل کمانڈ اینڈ آپریشن سینٹر (این سی او سی) کا یہ فیصلہ فوری نافذ ہو گیا ہے جو 17 مئی تک لاگو ہو گا۔

نیشنل کمانڈ اینڈ آپریشن سینٹر 11 مئی کے اجلاس میں اس وقت کی صورتِ حال کا جائزہ لے گا۔

بشکریہ جنگ