جمعرات یکم شوال المکرم 1442ھ13؍مئی 2021ء

بھارت میں کسانوں کا آج ملک گیر روڈ بلاک کا اعلان

بھارت میں زرعی قوانین کے خلاف کسانوں نے آج ملک گیر روڈ بلاک کرنے کا اعلان کردیا۔

بھارتی میڈیا رپورٹس کے مطابق بھارت میں زرعی قوانین کے خلاف کسانوں نے 3 گھنٹے کے لیے ملک بھرکی سڑکیں اور ہائی وے بلاک کرنے کا اعلان کیا ہے۔

بھارتی میڈیا کا کہنا ہے کہ کسانوں کی پہیہ جام ہڑتال دہلی، اترکھنڈ اور اترپردیش میں نہیں ہوگی، پولیس نے دہلی بارڈر کے اطراف سیکیورٹی میں اضافہ کردیا۔

دہلی بارڈر پر 50 ہزار سیکیورٹی اہلکار تعینات ہیں جبکہ سرحدی راستوں کی ڈرونز سے نگرانی کی جارہی ہے۔ اس کے علاوہ شہر کے نو میٹرو اسٹیشنز میں آنے جانے پر پابندی لگادی گئی ہے۔

واضح رہے کہ بھارتی کسانوں نے دہلی کے سرحدی راستوں پر 70 روز سے دھرنا دیا ہوا ہے۔

بشکریہ جنگ
You might also like

Comments are closed.