بحریہ ٹاؤن کے رہائشیوں نے ٹول ٹیکس ختم کرنے کا مطالبہ کردیا

بحریہ ٹاؤن کراچی کے رہائشیوں نے ٹول ٹیکس ختم کرنےکا مطالبہ کیا ہے۔

کراچی پریس کلب میں پریس کانفرنس سے خطاب میں رہائشیوں نےکہا کہ اسکول، کالج، دفاتر، اسپتال اور کاروبار کے لئے جانے پر روز ٹیکس کیسے دے سکتے ہیں۔

رہائشیوں کا کہنا ہے کہ حکام نوٹس لیں ورنہ ہائی وے پر دھرنا دیا جائے گا۔

چیئرمین بحریہ ٹاؤن ریذیڈنٹس ایسوی ایشن راحیل ہارون نے کہا کہ سندھ ہائیکورٹ کے حکم کے باوجود رہائشیوں کو تنگ کیا جارہا ہے۔

ایسوسی ایشن کے وائس چیئرمین اور دیگر رہائشیوں نے کہا کہ ہرگاڑی سے بھتہ لیا جارہا ہے۔ ہم شہر کے باہر نہیں شہر میں رہتے ہیں۔

بشکریہ جنگ