اسلام آباد: میٹرو اسٹیشن سے ملی لاش کا معمہ حل، باپ کا بیٹی کے قتل کا اعتراف

اسلام آباد کے میٹرو اسٹیشن سے 12 سالہ بچی کی لاش ملنے کا معمہ حل ہو گیا، باپ بیٹی کا قاتل نکلا۔

وفاقی دارالحکومت اسلام آباد کے تھانہ رمنا کی حدود میں واقع میٹرو اسٹیشن کے واش روم سے 12 سال کی بچی کی لاش ملنے کے واقعے کا پولیس نے مقدمہ درج کر لیا ہے، بچی کے ورثاء کی تلاش جاری ہے۔

باپ نے معصوم بیٹی کے قتل کا اعتراف کر لیا، جس کے بعد ملزم کو گرفتار کر لیا گیا۔

واردات کی جگہ سے مقتول بچی کے کپڑے برآمد ہوئے ہیں، بچی کی لاش رواں ماہ 8 نومبر کو میٹرو اسٹیشن کے واش روم سے ملی تھی۔

پاکستان انسٹیٹیوٹ آف میڈیکل سائنسز (پمز) کے 3 رکنی میڈیکل بورڈ نے بچی کا پوسٹ مارٹم کیا تھا۔

پمز اسپتال کے حکام کا کہنا تھا کہ پوسٹ مارٹم میں بچی کے ساتھ زیادتی ثابت ہوئی تھی۔

پوسٹ مارٹم رپورٹ کے مطابق بچی کے جسم پر زخم اور خراشیں بھی تھیں، اس کی موت دم گھنٹے سے واقع ہوئی تھی۔

بشکریہ جنگ