مظفرگڑھ: 10 سالہ بچے پر پالتو کتے چھوڑ دیے گئے

مظفرگڑھ میں 10 سالہ بچے پر مبینہ طور پر پالتو کتے چھوڑ دیے گئے، کتوں کے حملے میں بچہ شدید زخمی ہوگیا۔

پولیس کے مطابق مظفر گڑھ کے علاقے خانگڑھ میں اسکول جانے والے دوسری جماعت کے طالبعلم 10 سالہ بچے پر مبینہ طور پر پالتو کتے چھوڑ دیے گئے۔

کتوں کے حملے میں بچہ شدید زخمی ہوگیا، زخمی بچے کو طبی امداد کے لیے قریبی اسپتال منتقل کیا گیا۔

پولیس کا کہناہے کہ واقعے کی وجوہات کے حوالے سے تفتیش کی جارہی ہے۔

واقعے کا مقدمہ درج کرکے دونوں ملزمان کو گرفتار کرلیا گیا ہے۔

بشکریہ جنگ