پاک بنگلادیش پہلا ٹی 20 آج ڈھاکا میں ہوگا

پاکستان اور بنگلادیش کے درمیان پہلا ٹی ٹوئنٹی میچ آج ڈھاکا میں کھیلا جائے گا، میچ پاکستانی وقت کے مطابق دوپہر ایک بجے شروع ہوگا۔

پہلے ٹی ٹوئنٹی میچ کے لئے بابر اعظم کی قیادت میں پاکستان کی 12 رکنی ٹیم کا اعلان کردیا گیا ہے۔ جس میں شاداب خان (نائب کپتان)، خوشدل شاہ، فخر زمان، حیدر علی، حارث رؤف، حسن علی، محمد نواز، محمد رضوان (وکٹ کیپر)، محمد وسیم جونیئر، شاہین شاہ آفریدی اور شعیب ملک شامل ہیں۔

بابر اعظم کا کہنا ہے کہ سیریز کو آسان نہیں لے سکتے، کوشش ہوگی کہ ورلڈ کپ کی طرح کھیلیں، بنگلادیش اور ویسٹ انڈیز کے خلاف مختلف کامبی نیشنز آزمائیں گے۔

نائب کپتان شاداب خان نے کہا ہے کہ اپنے بولنگ ایکشن پر کام کررہا ہوں، ٹریننگ میں کچھ نئی ٹرکس بنائی ہیں جن پر پریکٹس کررہا ہوں، امید ہے میچ میں بھی ان ٹرکس کو استعمال کر پاؤں گا۔

پاکستان اور بنگلادیش کے درمیان دیگر 2 ٹی ٹوئنٹی میچز 20 اور 22 نومبر کو شیڈول ہیں۔

بشکریہ جنگ