بدھ14؍شوال المکرم 1442ھ26؍مئی 2021ء

رانا ثناء اللّٰہ کیخلاف کیس، سماعت 16 نومبر تک ملتوی

لاہور کی انسدادِ منشیات کی عدالت نے مسلم لیگ نون پنجاب کے صدر رانا ثناء اللّٰہ کے خلاف کیس کی سماعت 16 نومبر تک ملتوی کر دی۔

دورانِ سماعت مسلم لیگ نون کے رہنما رانا ثناء اللّٰہ عدالت میں پیش ہوئے۔

3 شریک ملزمان سبطین، عثمان اور اکرم کی جانب سے عدالت میں بریت کی درخواست دائر کی گئی۔

مسلم لیگ نون پنجاب کے صدر اور ایم این اے رانا ثناء اللّٰہ کےخلاف آمدن سے زائد اثاثہ جات کیس کے سلسلے میں قومی احتساب بیورو (نیب) نے رانا ثناء اللّٰہ کے اثاثوں کی رپورٹ جاری کر دی۔

بریت کی درخواست پر شریک ملزمان کے وکیل نے دلائل دیتے ہوئے کہا کہ وقوعے کا وقت کیا ہے، یہ کہیں کنفرم نہیں، ایف آئی آر 4 گھنٹے کی تاخیر سے درج کی گئی۔

سرکاری وکیل نے دلائل کے لیے عدالت سے مہلت مانگ لی اور کہا کہ اسپیشل پبلک پراسیکیوٹر اس کیس کو دیکھ رہے ہیں، وہ موجود نہیں ہیں۔

عدالت نے سرکاری وکیل کو آئندہ سماعت پر دلائل دینے کی ہدایت کرتے ہوئے کیس کی سماعت 16 نومبر تک ملتوی کر دی۔

لاہور (نمائندہ جنگ)آمدن سے زائد اثاثہ جات کیس میں…

واضح رہے کہ اینٹی نارکوٹکس فورس (اے این ایف) نے رانا ثناء اللّٰہ سمیت دیگر ملزمان کے خلاف مقدمہ درج کر رکھا ہے۔

بشکریہ جنگ
You might also like

Comments are closed.