نذیر چوہان کیخلاف FIA میں مقدمہ درج
پاکستان تحریکِ انصاف (پی ٹی آئی) کے ایم پی اے نذیر چوہان کے خلاف ایف آئی اے نے مقدمہ درج کر لیا۔
وفاقی تحقیقاتی ادارے (ایف آئی اے) نے وزیرِ اعظم عمران خان کے مشیر برائے احتساب شہزاد اکبر کی مدعیت میں ایف آئی آر درج کی ہے۔
مقدمہ ایف آئی اے کے سائبر کرائم یونٹ نے درج کیا، جس میں 2 افراد جاوید بٹ اور وسیم راجہ کو بھی نامزد کیا گیا ہے۔
ایف آئی آر میں ان دونوں افراد کو سوشل میڈیا کا صحافی بتایا گیا ہے۔
ایف آئی آر کے متن کے مطابق نذیر چوہان نے سوشل میڈیا پر شہزاد اکبر کے خلاف نفرت انگیز تقریر کی۔
شہزاد اکبر کی جانب سے کٹوائی گئی ایف آئی آر کے متن میں کہا گیا ہے کہ نذیر چوہان نے میرے مذہبی عقائد کو نشانہ بنایا ہے۔
ایف آئی آر کے متن میں یہ بھی کہا گیا ہے کہ ایف آئی اے کی انکوائری میں ثابت ہوا کہ نذیر چوہان نے افواہ پھیلائی۔
بشکریہ جنگ
Comments are closed.