کراچی میں یو کے ویرینٹ اوربی 1135ویرینٹ بھی سامنے آگیا، وزیرِ صحت
وزیرِ صحت سندھ عذرا پیچوہو نے کہا ہے کہ کراچی میں یوکے ویرینٹ کے ساتھ ’بی 1135‘ ویرینٹ بھی سامنے آگیا ہے۔
سندھ کی وزیرِ صحت نے بتایا کہ کورونا کے 22 کیسز پر تحقیق کی گئی،18 میں یوکے ویرینٹ، جبکہ 2 میں بی 1135 ویرینٹ کی تصدیق ہوئی ہے۔
انہوں نے کہا کہ وفاق نے درخواست کے باوجود برطانیہ سے آنے والوں کو قرنطینہ نہیں کیا،سندھ اور کراچی میں بہت سے لوگوں کے متاثر ہونے کا خدشہ ہے۔
صوبائی وزیر صحت نے مزید کہا کہ کورونا وائرس کا پھیلاؤ روکنے کیلئے کل سے انٹر سٹی بس سروس بند کی جا رہی ہے۔
ان کا کہنا تھا کہ عوام احتیاط کریں، ماسک پہنیں اور سماجی فاصلہ برقرار رکھیں۔
بشکریہ جنگ
Comments are closed.