کورونا ویکسین، PIA کی تیسری پرواز بیجنگ روانہ

کورونا ویکسین کی دوسرے فیز کی باقی تین لاکھ سے زائد خوراکیں لینے کے لیے پی آئی اے کی تیسری پرواز اسلام آباد سے چین روانہ ہوگئی ہے۔ 

ایوی ایشن ذرائع کے مطابق پرواز پی کے 6854 شام 7 بجے چین کے بیجنگ کیپٹل انٹرنیشنل ایئرپورٹ پر پہنچے گی۔ 

پاکستان کی مقامی دوا ساز کمپنی کا کورونا ویکسین کی تیاری کیلئے چینی کمپنی سے معاہدہ طے پاگیا، ویکسین اب پاکستان میں بھی تیار ہوگی۔

یہ بوئنگ 777 طیارہ کورونا ویکسین کی دوسرے فیز کی 10 لاکھ میں سے آخری 3 لاکھ خوراکیں لے کر پاکستان کےلیے واپس روانہ ہوگا اور آج رات 12 بجے اسلام آباد پہنچے گا۔ 

نیشنل کمانڈ اینڈ کنٹرول سینٹر ( این سی او سی ) نے ملک میں کورونا ویکسین کے حوالے سے اعداد و شمار جاری کردیے ہیں۔

پی آئی اے کی ایک پرواز پی کے 6852 کورونا ویکسین لے کر آج صبح بیجنگ سے اسلام آباد پہنچی ہے جبکہ قومی ایئر لائن کی دوسری پرواز پی کے 6853 آج دوپہر 12 بج کر 15 منٹ پر اسلام آباد پہنچ رہی ہے۔

بشکریہ جنگ