آسٹریلیا کے ایڈم زمپا اور کین رچرڈسن بھی IPL سے الگ

بھارت میں کورونا کے زور کی وجہ سے آسٹریلوی کرکٹرز کے انڈین پریمئر لیگ (آئی پی ایل) کو ادھورا چھوڑنے کا سلسلہ جاری ہے، اینڈریو ٹائی کے بعد آسٹریلیا کے ایڈم زمپا اور کین رچرڈسن بھی آئی پی ایل سے الگ ہو گئے۔

 آسٹریلوی کرکٹرز ذاتی وجوہات کی بنا پر لیگ چھوڑ کر واپس جارہے ہیں۔

اینڈریو ٹائی پہلے ہی لیگ چھوڑنے کا اعلان کرچکے ہیں، بھارت کےروی چندرن ایشون کوویڈ 19 کی وجہ سے لیگ سے دستبردار ہوئے۔

سوارا بھاسکر بھارت کیلئے پاکستانیوں کے ہمدردانہ سوشل میڈیا پیغامات سے متاثر دکھائی دے رہی ہیں۔

بھارت میں کورونا کی صورتحال کو دیکھتے ہوئے لیگ کوجاری رکھنے پر منتظمین کوشدید تنقید کاسامنا ہے۔

میڈیا رپورٹس میں کہا جارہا ہے کہ لیگ کے ملتوی ہونے کے امکانات بڑھ گئے ہیں۔

بشکریہ جنگ