کے پی میں کورونا کی تیسری لہر خواتین کےلیے خطرناک

خیبر پختونخوامیں کورونا وائرس کی تیسری لہر خواتین کے لیے زیادہ خطرناک ہو چکی ہے۔

خواتین میں کورونا وائرس کے  مثبت کیسوں کی شرح 39 فیصد تک پہنچ گئی۔

کورونا وائرس کی دوسری لہر کے دوران خواتین میں مثبت کیسز کی شرح 35 اور پہلی لہر کے دوران 28 فیصد تھی۔

 حکومتی رپورٹ کے مطابق 41 سے 50 سال تک کے افراد میں کورونا مثبت کیسز کی شرح 12فیصد پہنچ گئی۔

خیبرپختونخوامیں کورونا وائرس سے ایک اور ڈاکٹر کا انتقال ہوگیا۔

 ڈاکٹر محمد اقبال 2 ہفتوں سےحیات آباد میڈیکل کمپلیکس میں وینٹی لیٹر پر تھے۔

بشکریہ جنگ