پنجاب: اوورسیز پاکستانیوں کیلئے اسپیشل کورٹس کے قیام کا فیصلہ

حکومتِ پنجاب نے صوبے میں اوورسیز پاکستانیوں کے عدالتی مقدمات کے لیے اسپیشل کورٹس کے قیام کا فیصلہ کر لیا۔

گورنر پنجاب چوہدری محمد سرور کی زیرِصدارت لاہور میں اجلاس ہوا جس میں اوورسیز پاکستانیوں کو ویڈیو لنک کے ذریعے بیان ریکارڈ کرانے کی اجازت دینے پر غور کیا گیا۔

وائس چیئرمین اوورسیز کمیشن پنجاب وسیم اختر نے اجلاس میں بریفنگ دی۔

اسلام آباد(آئی این پی ) اسلام آباد ہائیکورٹ نے…

گورنر پنجاب چوہدری محمد سرور نے کہا کہ اوورسیز پاکستانیوں کے کیسز کے فیصلوں کے لیے وقت کی حد مقرر کی جائے گی۔

انہوں نے کہا کہ چیف جسٹس لاہور ہائی کورٹ کا اوورسیز پاکستانیوں کو انصاف کی فراہمی میں اہم کردار ہے۔

گورنر پنجاب نے مزید کہا کہ پاکستان کی معاشی مضبوطی میں اوورسیز پاکستانیوں کا کردار قابلِ تحسین ہے۔

چوہدری محمد سرور کا یہ بھی کہنا ہے کہ اوورسیز پاکستانیوں کے ساتھ ظلم اور نا انصافی برداشت نہیں کی جائے گی۔

وائس چیئرمین اوورسیز کمیشن پنجاب وسیم اختر نے کہا کہ حکومت اوورسیز پاکستانیوں کو کسی بھی فورم پر تنہا نہیں چھوڑے گی۔

ایڈیشنل چیف سیکریٹری پنجاب ارم بخاری نے کہا کہ اسپیشل کورٹس کے قیام سمیت دیگر سہولتوں کی فراہمی یقینی بنائیں گے۔

انہوں نے یہ بھی کہا کہ اوورسیز پاکستانیوں کے مسائل کے حل کے لیے تمام صوبائی محکمے متحد ہو کر کام کر رہے ہیں۔

بشکریہ جنگ