پہلی بیوی سے مکان خالی کروانے کیلئے شوہر کی خودسوزی کی دھمکی

حیدرآباد میں پہلی بیوی سے مکان خالی کروانے کے لیے شہری نے دوسری بیوی کے ساتھ پریس کلب کے باہر خود سوزی کی دھمکی دے دی۔

پولیس سے مذاکرات میں شہری کی دوسری بیوی نے ایس ایچ او کو تھپڑ مار دیا، پولیس نے خاتون اور اس کے شوہر کو حراست میں لے لیا۔

پولیس کے مطابق مکان میں شہری عبداللّٰہ کی پہلی بیوی رہتی ہے، عبداللّٰہ اور اس کی دوسری بیوی مکان پر ملکیت کا دعویٰ کر رہے ہیں، پہلی بیوی کے پاس عدالت سے ملکیت کے دستاویزی ثبوت بھی ہیں۔

گزشتہ رات بھی خاتون نے اپنی سوتن کو تھانے میں تھپڑ مارا تھا، ملزمہ کے خلاف اپنی سوتن پر تشدد کا مقدمہ درج ہے۔

ایس ایچ او کینٹ کا کہنا ہے کہ خاتون نے ان پر بھی ہاتھ اٹھایا لیکن اس کے باوجود انھوں نے تحمل سے کام لیا۔

بشکریہ جنگ