شیر افضل مروت نے سینیٹ کی قرارداد کو آئین پر حملہ قرار دے دیا

پی ٹی آئی کے مرکزی رہنما شیر افضل مروت نے کہا ہے کہ سینیٹ میں عام انتخابات ملتوی کرنے کی قرارداد منظور کرنا آئین پر حملہ ہے۔

جیو نیوز سے گفتگو کرتے ہوئے شیر افضل مروت نے کہا کہ سینیٹ میں آج آئین کو پامال کیا گیا ہے، آئین میں کوئی شق ہی نہیں کہ انتخابات ملتوی ہوں۔

شیر افضل مروت کا کہنا تھا کہ اس قرارداد کو پاس کرنے والے تمام سینیٹرز پر آرٹیکل 6 لاگو ہوتا ہے۔

انہوں نے مزید کہا کہ سینیٹ آئین کے منافی کوئی قرارداد منظور ہی نہیں کرسکتا۔

بشکریہ جنگ