نیدر لینڈز میں پاکستانی مسیحی برادری کے لیے پاکستان ہاؤس میں تقریب کااہتمام

سفارتخانہ پاکستان دی ہیگ كی جانب سے کرسمس کے موقع پر نیدرلینڈز میں مقیم پاکستانی نژاد مسیحی برادری کےلیے پاکستان ہاؤس میں ایک تقریب کا اہتمام کیا گیا۔

سفیرِ پاکستان سلجوق مستنصر تارڑ نے شرکاء کو خوش آمدید کہتے ہوئے ان کے اہلِ خانہ کو کرسمس کی مناسبت سے مبارکباد پیش کیں اور نیک خواہشات کا اظہار کیا۔

اردو چرچ ہالینڈ سے آئے ہوئے مہمانوں نے روایتی مسیحی گیت گائے اور پاکستان کی خوشحالی کے لیے دعائیں بھی کیں۔

سفیر پاکستان سلجوق مستنصر تارڑ نے بین المذاہب ہم آہنگی کی اہمیت اور پاکستان میں اقلیتوں کے اہم کردار پر روشنی ڈالی۔

انہوں نے پاکستانی شہریوں اور اقلیتوں کی فلاح وبہود کے لیے حکومتِ پاکستان کے جانب سے کیے جانے والے اقدامات کو بھی اُجاگر کیا اور نیدر لینڈز میں ملک و قوم کا وقار بلند کرنے میں اردو چرچ ہالینڈ اور پاکستانی مسیحی کمیونٹی کے مثبت کردار کو سراہا۔

شرکاء نے اس پرمسرت موقع پر سفارت خانہ پاکستان کی جانب سے اس تقریب کے انعقاد کو خوش آئند قرار دیا۔

بشکریہ جنگ