لاہور: اسموگ سے مختلف بماریوں کے 3 ہزار 222 نئے کیسز رپورٹ

محکمۂ صحت پنجاب کے مطابق لاہور میں اسموگ بڑھنے کے ساتھ ہی شہری مختلف بیماریوں کا شکار ہونے لگے ہیں۔

لاہور میں اسموگ کے باعث مختلف بیماریوں میں مبتلا 3 ہزار 222 نئے مریض سامنے آئے۔

محکمۂ صحت کے مطابق گزشتہ 24 گھنٹوں کے دوران پنجاب بھر میں اسموگ کے باعث مختلف بیماریوں کے 62 ہزار231 نئے کیسز رپورٹ ہوئے ہیں۔

محکمۂ صحت پنجاب نے بتایا ہے کہ صوبے بھر میں رواں سال اب تک اسموگ سے متاثر ہو کر بیمار ہونے والے افراد کی تعداد 2 کروڑ 11 لاکھ 86 ہزار 723 ہو چکی ہے۔

لاہور میں رواں سال اب تک اسموگ سے 8 لاکھ 94 ہزار 754 افراد مختلف بیماریوں کا شکار ہوئے۔

خیال رہے کہ اسموگ کے باعث دمہ، ٹی بی، سانس کے انفکیشن، الرجی سمیت دیگر امراض سے شہری متاثر ہو رہے ہیں۔

بشکریہ جنگ