ورلڈ کپ: بنگلادیش کا بھارت کو جیت کیلئے 257 رنز کا ہدف

ورلڈ کپ کے 17ویں میچ میں بنگلادیش نے بھارت کو جیت کیلئے 257 رنز کا ہدف دے دیا۔

پونے میں کھیلے جارہے میچ میں بنگلادیش نے ٹاس جیت کر پہلے بیٹنگ کرنے کا فیصلہ کیا۔

بنگلا دیش کی جانب سے تنزید حسن اور لٹن داس نے اننگ کا آغاز کیا اور 93 رنز کی پارٹنرشپ قائم کی۔

لٹن داس 66، تنزید حسن 51، محمود اللّٰہ 46 اور مشفیق الرحیم 38 رنز بناکر نمایاں رہے۔

بھارت کی جانب سے رویندرا جڈیجا، جسپریت بمرا اور محمد سراج نے 2، 2 وکٹیں حاصل کیں۔

ورلڈ کپ کے سترہویں میچ میں بنگلا دیش کے خلاف بھارت کے اسٹار بیٹر ویرات کوہلی بولر بن گئے۔

آج کا یہ میچ پونے میں کھیلا جا رہا ہے جس میں بھارتی ٹیم کی قیادت روہت شرما اور بنگلا دیش ٹیم کی قیادت نجم الحسن شانتو کر رہے ہیں۔

دونوں ٹیمیں اب تک اس ورلڈ کپ میں تین، تین میچز کھیل چکی ہیں، بھارت نے اپنے تینوں میچ جیتے ہیں جبکہ بنگلا دیش نے ایک میچ جیتا ہے۔

بشکریہ جنگ