کامران ٹیسوری نے گورنر ہاؤس میں آئی ٹی شکایتی سیل کا افتتاح کردیا

گورنر سندھ کامران ٹیسوری نے گورنر ہاؤس میں آئی ٹی شکایتی سیل کا افتتاح کردیا۔

عوام گھر بیٹھے کیو آر اسکین کوڈ کے ذریعے گورنر ہاؤس میں اپنی شکایات درج کراسکیں گے۔

سندھ کے گورنر کامران ٹیسوری نے ’امید کی گھنٹی‘ بجانے والے سائلین سے ملاقات کر کے شکایات سنی اور حل کرنے کے لیے احکامات دے دیے ہیں۔

کامران ٹیسوری کا کہنا ہے کہ گورنر ہاؤس میں شکایتی سیل سے عوام کو فائدہ پہنچے گا۔

ان کا کہنا تھا کہ ایک سال میں ایک لاکھ سے زائد افراد نے ‘امید کی گھنٹی’ کا دورہ کیا۔

گورنر کامران ٹیسوری نے مزید کہا کہ اتوار کو گورنر ہاؤس آئیں، شمعیں روشن کرکے فلسطینیوں سے اظہار یکجہتی کریں۔

بشکریہ جنگ