وزیر تعلیم شفقت محمود پھر ٹرینڈ بن گئے

عالمی وبا کورونا وائرس کے پھیلاؤ کے پیشِ نظر تعلیمی اداروں کی بندش کے فیصلوں کے باعث وفاقی وزیر برائے تعلیم شفقت محمود طلبہ کے پسندیدہ وزیر  تعلیم بن گئے ہیں۔

وفاقی وزیرتعلیم شفقت محمود کا کہنا ہے کہ کورونا صورت حال میں ہم نے کئی اقدامات کیے، اسکول بند کرنا بڑا مشکل فیصلہ ہے۔

سوشل میڈیا پر شفقت محمود کو طلبہ اپنا وزیراعظم بھی مانتے ہیں۔

آج بھی این سی او سی اجلاس میں کورونا متاثرہ اضلاع میں پہلی سے آٹھویں جماعت تک کے طلبہ کیلئے 28 اپریل تک اسکولوں کو بند کیے جانے کا اعلان کیا ہے جس پر یونیورسٹی طلبہ اظہارِ برہمی کررہے ہیں اور ان کے صرف اسکولوں کے بند کرنے کے فیصلے پر میمز شیئر کررہے ہیں۔

ایک صارف نے کہا کہ دنیا میں ہر چیز عارضی ہے مگر بچوں پر شفقت محمود کی شفقت دائمی چیز ہے۔

نویں سے بارہویں جماعت کے طلبہ کا کہنا ہے کہ ہمیں وزیر تعلیم سے یہ توقع نہیں تھی۔

طلبہ خوشی کا اظہار کرتے ہوئے میمز کے ذریعے شفقت محمود کو اگلا وزیراعظم نامزد کرنے کا بھی مطالبہ کررہے ہیں۔

بشکریہ جنگ