اوپن مارکیٹ: ڈالر 305 روپے کا ہو گیا

امریکی ڈالر کی اڑان اور پاکستانی روپے کی قدر میں کمی کا سلسلے جاری ہے۔

انٹر بینک میں ڈالر 2 روپے 18 پیسے مہنگا ہونے کے بعد 288 روپے کا ہو گیا۔

گزشتہ کاروباری ہفتے کے اختتام پر انٹر بینک میں ڈالر 285 روپے 82 پیسے پر بند ہوا تھا۔

اوپن مارکیٹ میں ڈالر کی ٹرپل سنچری، ایک ڈالر 4 روپے مہنگا ہونے کے بعد 305 روپے تک جا پہنچا۔

انٹر بینک میں امریکی ڈالر آج کاروبار کے اختتام پر 20 پیسے مہنگا ہوا ہے۔

پاکستان اسٹاک ایکسچینج میں آج کاروبار کا منفی رجحان دیکھنے میں آ رہا ہے۔

پاکستان اسٹاک ایکسچینج کا 100 انڈیکس 293 پوائنٹس کم ہونے کے بعد 41 ہزار 305 پر آ گیا۔

گزشتہ کاروباری ہفتے کے اختتام پر 100 انڈیکس 41 ہزار 599 پوائنٹس پر بند ہوا تھا۔

بشکریہ جنگ