کراچی میں ایم اے جناح روڈ پر کثیر المنزلہ کاروباری عمارت میں آگ لگ گئی
کراچی کے اولڈ سٹی ایریا کے علاقے میں ایم اے جناح روڈ پر کثیر المنزلہ کاروباری عمارت میں آگ لگ گئی، جس پر کئی گھنٹوں کی جدوجہد کے بعد قابو پایا گیا۔
کراچی صدر کے قریب ایم اے جناح روڈ پر رمپا پلازہ میں آتشزدگی کی اطلاع پر نصف درجن سے زائد فائر بریگیڈ اور فائر فائٹرز موقع پر پہنچے۔
ایدھی فاؤنڈیشن کے ترجمان کے مطابق ان کی متعدد گاڑیاں اور رضاکار بھی جائے وقوعہ پر موجود رہے۔
موصول ہونے والی فوٹیج میں دیکھا جا سکتا ہے کہ رمپا پلازہ کی عمارت میں آگ کے شعلے بلند ہو رہے ہیں، فائر بریگیڈ حکام کے مطابق مجموعی طور پر 6 فائر ٹینڈرز آگ پر قابو پانے کے عمل میں حصہ لیا۔
رمپا پلازہ میں ڈاکٹرز کے کلینکس، مختلف کاروباری دفاتر اور نجی کمپنیوں کے دفاتر موجود ہیں۔
پولیس حکام کے مطابق آگ لگنے کی وجہ معلوم نہیں ہو سکی اور فوری طور پر کسی جانی نقصان کی اطلاع نہیں ملی۔
Comments are closed.